Samstarfsaðilar

Gym heilsa - Suðurbæjarlaug, Hringbraut 77, 220 Hafnarfirði. Sjá nánar á www.gymheilsa.is
Við erum í samstarfi við Gym heilsu í Suðurbæjarlaug í Hafnarfirði. Fyrirkomulagið hjá okkur er á þá leið að þjónustuþegar okkar kaupa sér kort með aðgangi í ræktina og í sund í þeim laugum sem Gymheilsa er til staðar. Þjálfari á vegum Gym heilsu útbýr æfingaáætlun fyrir viðkomandi sem er svo endurskoðuð eftir þörfum. Íþróttafræðingur á vegum Seiglunnar fylgir hópnum eftir og leiðbeinir þeim sem þurfa á að halda, ásamt því að aðlaga æfingaáætlunina ef á þarf að halda, s.s að útlit áætlunarinnar sé skýr og einföld, stilla tæki og rifja upp æfingar. Einnig leiðbeinum við með upphitun og teygjur á eftir æfingu.

Golfklúbburinn Keilir – Steinholti 1, 220 Hafnarfirði. Sjá nánar á www.keilir.is

Golfklúbburinn Keilir hefur boðið okkur upp á aðstöðu til að æfa og spila golf. Einu sinni í viku er boðið upp á pútt í Hraunkoti ásamt því að við höfum aðgang að æfingaaðstöðu og getum farið út á völl að spila. Mæting er í Hraunkot þar sem við tökum á móti fólki en þeir sem vilja geta mætt í Seigluna áður og fengið fylgd yfir í Hraunkot.

Yogahúsið sér um Yoga námskeið hjá okkur. Námskeiðin sem eru 4 vikur í senn, fara fram í sal sem kallast Augað og er á 4.hæð í Lífsgæðasetrinu. Kennari yoga námskeiðsins aðlagar æfingarnar að okkar hópi svo allir geti tekið þátt. Mikil ánægja hefur verið með þessi námskeið.

Einu sinni í viku er boðið upp á borðtennisæfingar í Íþróttahúsinu við Strandgötu. Í upphafi tímanna eru gerðar æfingar sem þjálfa samhæfingu og jafnvægi og svo er spilað borðtennis eins og hverjum og einum listir.