Ráðgjafarþjónusta

Heilabilunarsjúkdómar hafa djúpstæð áhrif á fjölskyldulífið. Hlutverk breytast og eðli samskipta verður öðruvísi. Fólk með heilabilun og aðstandendur þeirra þurfa því oft á ráðgjöf, leiðbeiningum og stuðningi að halda.

Hægt er að fá ráðgjöf á staðnum, í fjarviðtali eða í síma og er hún öllum að kostnaðarlausu. Þá skiptir ekki máli hvar í ferlinu einstaklingur eða fjölskylda er stödd þegar pantað er viðtal.

Ásta Kristín Guðmundsdóttir, félagsráðgjafi veitir ráðgjöfina og tímabókun er gerð með því að fylla út formið hér að neðan, senda tölvupóst á radgjafi@alzheimer.is eða hringja í síma 520 1082 og skilja eftir skilaboð á símsvara.