Hvert á að snúa sér?
Þegar grunur kviknar um heilabilun er fyrsti viðkomustaður ávallt hjá heimilislækni. Heilsugæslulæknir gerir viðeigandi athuganir og vísar fólki áfram þyki ástæða til þess. Sé þörf á frekari rannsóknum getur eitt af þrennu komið til greina:
- Endurkomutími á heilsugæslustöð.
- Tilvísun á Minnismóttöku LSH á Landakoti eða Fjórðungssjúkrahúsið á Akureyri.
- Tilvísun til sérfræðings á stofu.
Við mælum með fræðsluerindi frá Helgu Eyjólfsdóttur, öldrunarlækni og yfirlækni á Minnismóttökunni á Landakoti sem hún hélt um greiningarferlið í desember 2025. Við tókum erindið upp og það má nálgast hér
Sum fresta því að panta tíma vegna ótta við mögulegar niðurstöður en við hvetjum fólk til að leita sem fyrst til læknis ef grunur kviknar um heilabilun. Lesið um fyrstu einkenni og verið óhrædd við að ræða opinskátt við lækninn ykkar um allt sem kann að valda ykkur áhyggjum.
Greiningarferlið
Ef heimilislæknir telur ástæðu til að vísa áfram þá tilgreinir sérfræðilæknir þau próf sem þarf að framkvæma hverju sinni. Sjaldnast þarf allar þessar rannsóknir til að fá greiningu.
- Upplýsingaöflun
- Minnispróf
- Blóðrannsókn
- Tölvusneiðmynd
- Taugasálfræðilegt mat
- Segulómun af heila
- Heilarit
- Mænuvökvaskoðun
- Jáeindaskanni