Stuðningshópar
Aðstandendur eru fjölbreyttur hópur með ólíkar þarfir en eiga það sameiginlegt að eiga ástvin heima, í dagþjálfun eða á hjúkrunarheimili.
Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.
Fjórir mismunandi hópar hittast mánaðarlega.
Umsjón með hópum
Brynhildur Jónsdóttir sálfræðingur hefur umsjón með stuðningshópum Alzheimersamtakanna sem eru haldnir hjá okkur í Lífsgæðasetrinu í Hafnarfirði. Brynhildur hefur starfað á Minnismóttökunni á Landkoti við taugasálfræðilegar greiningar á fólki sem þangað leitaði vegna gruns um heilabilun. Brynhildur starfaði einnig sem klínískur sálfræðingur á Áfalla- og sálfræðimiðstöðinni þar sem hún sinnti greiningum og meðferð á sálrænum vanda hjá fullorðnum.
Anna Sigga Jökuls Ragnheiðardóttir sálfræðingur hefur umsjón með rafræna stuðningshópnum. Hún hefur starfað sem klínískur sálfræðingur í 15 ár. Lengst af á öldrunardeildum LSH, krabbameinsfélaginu Krafti og Kvíðameðferðarstöðinni. Þar hefur hún sinnt mati og meðferð meðal annars í tengslum við langvinn veikindi, streitu, áföll, kvíða og lágt sjálfsmat.