Útgáfuhóf í Drafnarhúsi

Í Drafnarhúsi í Hafnarfirði er rekin sérhæfð dagþjálfun fyrir einstaklinga með heilabilun. Þar er í boði fjölbreytt dagskrá til að styrkja félagslega, líkamlega og vitsmunalega hæfni þeirra sem þjónustuna sækja.

Glæsilegt útgáfuhóf var haldið í Drafnarhúsi á dögunum vegna útgáfu bókarinnar Bjart í álfasteinum. Í bókinni má sjá úrval af afrakstri sköpunar þjónustuþega á sviði ljóðlistar og myndlistar. Annars vegar eru það vísur, sem vísnahópur Drafnarhúss hefur ort í sameiningu, og hins vegar málverk, unnin með akrýl- og vatnslitum, sem þátttakendur í myndlistarsmiðju Drafnarhúss hafa málað. Afar falleg og eiguleg bók sem telur 270 blaðsíður.

Hér er hægt að kaupa eintak af bókinni sem kostar aðeins 3.500 kr.