Suðurgata 41 í Hafnarfirði (Lífsgæðasetrið)

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Víða um land má sjá fjólubláa bekki en tilgangur þeirra er að vekja athygli á og stuðla að umræðu um heilabilun sem er mikilvægur þáttur í að minnka fordóma í samfélaginu.

Nýjasta bekkurinn er í Norðurþingi, nánar tiltekið á Stangabakkanum á Húsavík 💜

Árið 2024 var fyrsta bekkjagangan haldin og það í Hafnarfirði. Ætlunin er að halda hana árlega og vonandi sem víðast um landið. Næsta ganga verður laugardaginn 24. maí næstkomandi bæði í Hafnarfirði og á Höfn.

Ef þitt bæjarfélag hefur áhuga á að setja upp bekk þá má endilega hafa samband við okkur í síma 533 1088 eða senda okkur tölvupóst á alzheimer@alzheimer.is

Fjólublár bekkur á Húsavík

Bekkjaganga

Setja upp bekk

Við erum hér til að hjálpa