Stuðningshópur fyrir fólk sem á foreldra með heilabilun
Athugið - breytt dagsetning. Var fyrst auglýstur miðvikudaginn 20. maí en verður haldinn fimmtudaginn 28. maí.
Afkomendur eru fjölbreyttur hópur með ólíkar þarfir en á það sameiginlegt að eiga ástvin heima, í dagþjálfun eða á hjúkrunarheimili.
Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.
Engin skráning og öll velkomin.
28. maí 2026
kl 16:30 - 18:00
Lífsgæðasetur St. Jó - 3. hæð
Suðurgata 41
Stuðningshópurinn er í umsjón Brynhildar Jónsdóttur sálfræðings. Eftir mastersnám starfaði Brynhildur á Minnismóttökunni á Landakoti við taugasálfræðilegar greiningar á fólki sem þangað leitaði vegna gruns um byrjandi heilabilun.
Brynhildur starfaði einnig sem klínískur sálfræðingur á Áfalla- og sálfræðimiðstöðinni þar sem hún sinnti greiningum og meðferð á sálrænum vanda hjá fullorðnum.