Suðurgata 41 í Hafnarfirði (Lífsgæðasetrið)

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Námskeið þar sem markmiðið er að viðhalda virkni, vellíðan og efla hreyfifærni. Styrktar- og jafnvægisæfingar fyrir allan líkamann sem styrking fyrir andlega og félagslega heilsu.

Fólk á biðlista eftir þjónustu í Seigluna

Í Seiglunni, Suðurgötu 41, 3.hæð, 220 Hafnarfirði

Mánudagar og miðvikudagar kl: 15:00 - 16:00 
frá 1. september til 24. september

Þægileg og góð upphitun í byrjun hvers tíma og svo fjölbreyttar og skemmtilegar styrktaræfingar með lóðum, teygjum, böndum og jafnvægisæfingar þar sem við notumst við stóla svo allir geta tekið þátt. 

Jóga nidra slökun í lok tímans sem er með  betri leiðum til að ná fullkominni slökun og endurnærir bæði líkama og sál.  Leiðbeinandi leiðir hópinn í gegnum slökunina.

 Dýnur eru í sal en gott er að hafa með sér létt teppi og púða undir höfuð þegar farið er í liggjandi slökun.

Æskilegt er að vera í léttum og þægilegum fatnaði og gott er að hafa vatnsbrúsa við höndina ásamt litlu handklæði.

Greiða þarf fyrir námskeiðið áður en það byrjar og fæst ekki endurgreitt eftir að það hefst.

Skráning og fyrirspurnir á gudrun@alzheimer.is

Styrkur, gleði, slökun - námskeið

Fyrir hverja

Hvar

Hvenær

Nánar um námskeiðið

Verð

Skráning

Við erum hér til að hjálpa