Stúkan Bjarni riddari styrkir Seigluna

Seiglan er afar þakklát fyrir þann hlýhug og stuðning sem hún hefur fengið frá Oddfellow stúkunni Bjarna riddara, en stúkan fagnar 50 ára afmæli á þessu ári.

Í tilefni af afmælinu veitti reglan Seiglunni rausnarlegan styrk að upphæð 1.500.000 króna sem verður nýttur til kaupa á upplýsingaskjá og húsgögnum til nota í starfseminni.

Styrkur sem þessi skiptir okkur miklu máli og hjálpar okkur að skapa hlýlegt, aðgengilegt og hvetjandi umhverfi fyrir fólk á fyrstu stigum heilabilunar og aðstandendur þeirra.

Við sendum þeim okkar bestu þakkir og innilegar hamingjuóskir með 50 ára afmælið.

Mynd: Harpa Björgvinsdóttir, forstöðukona Seiglunnar tekur við gjöfinni á afmælisfagnaði stúkunnar. Með henni á myndinni eru Helgi Kristján Gunnarsson, undirmeistari stúkunnar og Steingrímur P. Björnsson, formaður líknarsjóðs Bjarna riddara.