Fullt hús á erindi um erfðir og forvarnir

Hvað ræður því hvort við fáum heilabilunarsjúkdóm og hversu mikið getum við sjálf haft áhrif?  Þessari spurningu og fleirum svaraði Steinunn Þórðardóttir, öldrunarlæknir í erindi sem hún hélt hjá okkur fyrir troðfullum sal.

Hún fór yfir erfðaþætti og lífsstíl og hvað það getur þýtt ef heilabilun er algeng í fjölskyldunni. Þá fjallaði hún einnig um hvað hvert og eitt okkar getur gert til að draga úr eigin áhættu. Fræðslan var afar vel sótt og mikið um góðar spurningar í lokin.

Við þökkum Steinunni kærlega fyrir góðan og fróðlegan fyrirlestur og hvetjum þau sem komust ekki til að horfa á upptökuna.