Bekkjaganga 6. júní

Þriðja árið í röð höldum við svokallaða bekkjagöngu og að þessu sinni verður gengið á nokkrum stöðum á landinu.

Tilgangur göngunnar er að vekja athygli á og stuðla að umræðu um heilabilun sem er mikilvægur þáttur í að minnka fordóma í samfélaginu. Þá er þetta jafnframt liður í því að stuðla að líkamlegri og félagslegri virkni sem eru mikilvægir þættir almennrar heilsu.

Hvernig, hvenær og hvar

Við hvetjum öll sem telja sig ráða við um 30 mínútna göngu á sínum hraða (um 2 km) til þess að koma og taka þátt í göngunni með okkur laugardaginn 6. júní.

💜 Akranes- kl. 13:00. Hisst við innganginn á Höfða og gengið að fjólubláa bekknum.

💜 Akureyri - fimmtudag 4. júní kl 17:00. Gengið frá bekknum á Drottningarbraut og þaðan haldið í pizzu í Birtu.

💜 Borgarnes - föstudag 5. júní kl 17:00 Gengið frá aðalinngangi Brákarhlíðar. Gangan er jafnframt vígsla á tveimur fjólubláum bekkjum í Borgarbyggð.

💜 Árborg - kl. 13:00. Gengið frá fjólubláa bekknum sem stendur hjá Gleraugna Gallerí á Eyravegi 7.

💜 Fáskrúðsfjörður - kl. 13:00. Gengið frá fjólubláa bekknum í bænum.

💜 Hafnarfjörður - kl. 13:00. Gengið verður frá fjólubláa bekknum við Sundhöllina í Hafnarfirði að Lífsgæðasetrinu í Hafnarfirði þar sem skrifstofa Alzheimersamtakanna er til húsa. Þar verða léttar veitingar í boði eftir gönguna.

💜 Húsavík - kl. 13:00. Gengið frá fjólubláa bekknum við Mararbraut.

💜 Hveragerði - kl 10:30. Gengið frá fjólubláa bekknum á Ási að næsta fjólubláa bekk bæjarins. Þeir sem vilja ganga áfram til Almars bakara.

💜 Höfn í Hornafirði - kl 10:00. Gengið frá Steinagarðinum við Sandbakka.

💜 Seyðisfjörður - kl 14:00 Hittumst við fjólubláa bekkinn í Fossgötu. Gengið í Regnbogagötu, tökum spjall á leiðinni sem við getum haldið áfram með yfir kaffibolla á veitingastöðum í Regnbogagötu.

💜 Stykkishólmur Gengið verður frá bekknum við Ráðhúsið, að bekknum við gamla bíóhúsið/x-ið og áfram að bekknum við Sýsluskrifstofuna.

Hlökkum til að sjá sem flest.