Fræðslufundur febrúar

Fyrirlesari er dr. Sigrún Sigurðardóttir, hjúkrunarfræðingur, prófessor við Háskólann á Akureyri er með fyrirlestur um áfall vegna tilkomu heilabilunargreiningar; áskorun fyrir einstaklinginn og aðstandendur. Að greinast með langvinnan og lífsógnandi sjúkdóm getur valdið áfalli og sorg í kjölfarið. Áfallið getur þó komið fyrr, eða þegar einstaklingar áttar sig á því að um langvinnan sjúkdóm geti verið að ræða og fara í gegnum aðdraganda að greiningarferli og í greiningu. Alvarlegar afleiðingar geta komið fram í kjölfar slíkra áfalla, fljótlega eftir eða mörgum árum seinna. Stundum átta aðstandendur sig ekki á alvarleika og algengi slíkra áfalla og afleiðinga. Mikilvægt er að átta sig á því hvað hægt er að gera til að vinna með slík áföll og vinna með sorgina. Aðgangur er ókeypis og öll velkomin. Fyrirlestur verður á staðnum og einnig í beinu streymi á www.alzheimer.is. Upptökur verða aðgengilegar eftir fundinn. Vertu með, þín þátttaka skiptir máli! Hlekkur á beint streymi er að finna hér.