Undanfarin ár hefur verið unnið að uppbyggingu tenglanets á landsbyggðinni. Tenglar Alzheimersamtakanna eru nú starfandi á 19 stöðum á landinu og unnið er að frekari þéttingu netsins.

Tenglar starfa hver í sínu nærumhverfi, á eigin vegum og/eða í samvinnu við Alzheimersamtökin. Hlutverk tengla er að veita upplýsingar um Alzheimersamtökin og starfsemi þeirra. Miðla þekkingu um helstu heilabilunarsjúkdóma. Veita stuðning og ráðgjöf í sinni heimabyggð. Stuðla að því að opna umræðuna um heilabilun með því að miðla af reynslu sinni og standa fyrir viðburðum á sínu svæði.

Ef þú býrð úti á landi geturðu haft samband við tengil á þínu svæði til að fá upplýsingar og stuðning. 

Tenglar eru á eftirfarandi stöðum: 

Reykjanesbæ, Akranesi, Borgarnesi, Snæfellsbæ, Grundarfirði, Stykkishólmi, Patreksfirði, Bolungarvík, Sauðárkróki, Siglufirði, Dalvík, Akureyri, Húsavík, Seyðisfirði, Djúpavogi, Höfn í Hornafirði, Hellu, Selfossi, Vestmannaeyjum, Vík í Mýrdal og Kirkjubæjarklaustri. 

Á kortinu hér til hliðar má sjá starfandi tengla. Til að þysja inn þarf að smella á + merkið og til að stækka myndina má ýta á kassann í efra horninu hægra megin á henni. Smellið á rautt merki til að fá upplýsingar um tengil á hverjum stað.