Netverslun Alzheimersamtakanna er opin allan sólarhringinn. Þegar verslað er í netverslun rennur allur ágóði af sölu óskiptur til Alzheimersamtakanna. Pöntun er afgreidd þegar greiðsla hefur borist. Undantekning frá þessu eru minningarkort, þau eru send af stað við pöntun. Um leið og greiðsla berst er kaupanda send staðfesting í tölvupósti.

Verð á vörum:

• Verð sem birtist í netversluninni er ýmist með 11% eða 24% virðisaukaskatti.
• Verð er birt með fyrirvara um myndabrengl og/eða prentvillur og áskilja Alzheimersamtökin sér rétt til að ljúka ekki viðskiptum hafi rangt verð verið gefið upp.
• Viðskiptavinir fá tilkynningu ef vara sem hefur verið pöntuð er ekki til á lager og boð um að hún verði send við fyrsta tækifæri.
• Ef vara er ekki væntanleg aftur mun viðskiptavinur fá endurgreitt.

Sendingarmöguleikar:

• Nálgast má vörur á skrifstofu Alzheimersamtakanna að Hátúni 10, jarðhæð, 105 Reykjavík á opnunartíma. Skrifstofan er opin kl.10:00-15:00, mánudaga til fimmtudaga. Sé vara sótt á skrifstofuna bætist enginn kostnaður við vöruverð.
• Sendingarkostnaður bætist við pöntun áður en greiðsla fer fram. Við pantanir undir 2000 krónum bætist við 190 krónur í sendingarkostnað. Við pantanir milli 2000-6000 krónum bætist við 990 krónur í sendingarkostnað. Við pantanir frá 6000-10.000 krónum bætist við 1.190 krónur í sendingarkostnað. Enginn sendingarkostnaður er fyrir pantanir sem fara yfir 15.000 krónur
• Alzheimersamtökin senda hvert á land sem er. Fyrir erlendar pantanir bætist við 2.900 krónur í sendingarkostnað og hægt er að sækja pöntunina á nálægu pósthúsi.
• Allar sendar pantanir fara með Íslandspósti og gilda afhendingar-, ábyrgðar og flutningsskilmálar Íslandspósts um afhendingu vörunnar. Alzheimersamtökin bera samkvæmt þessu enga ábyrgð á tjóni sem kann að verða á vöru í flutningi. Verði vara fyrir tjóni frá því að að hún er send frá Alzheimersamtökunum til viðkomandi er tjónið á ábyrgð kaupanda. 

Skilafrestur og endurgreiðsla

Kaupandi hefur 14 daga til að hætta við kaupin að því tilskildu að hann hafi ekki notað vöruna, henni sé skilað í góðu lagi í óuppteknum upprunalegum umbúðum. Ef vara er innsigluð má ekki rjúfa innsiglið. Fresturinn byrjar að líða þegar varan er afhent skráðum viðtakanda. Kvittun fyrir vörukaupunum þarf að fylgja með. Endurgreiðsla er framkvæmd að fullu ef ofangreind skilyrði eru uppfyllt og eftir að varan er móttekin. Flutnings- og póstburðargjöld eru ekki endurgreidd.

Greiðslumöguleikar

Í netverslun er boðið upp á tvenns konar greiðslumöguleika; greiðslukort eða millifærslu.
Við pöntun minningarkorta er boðið upp á þrjár greiðsluleiðir; greiðslukort, millifærslu eða kröfu í heimabanka.

• Þegar valmöguleikinn millifærsla er valinn þá færðu sendan tölvupóst með upplýsingum um reikningsnúmer og kennitölu fyrirtækisins. Pöntun er samþykkt um leið og millifærslan hefur gengið í gegn, ef ekki er greitt innan 2ja daga telst pöntun ógild.
• Þegar valmöguleikinn kort er valinn opnast örugg greiðslugátt Borgunar og gengið er frá viðskiptunum þar.
• Þegar valmöguleikinn krafa í heimabanka er valinn (aðeins í boði fyrir minningarkort) verður send krafa í heimabanka. Minningarkort eru send af stað við pöntun.

Trúnaður

Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.