Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Eins og nafnið gefur til kynna eru heilabilunarsjúkdómar veikindi í heila. Heilinn er það líffæri sem hvað minnst er vitað um og erfiðast er að rannsaka. Það sem greinir einn heilabilunarsjúkdóm frá öðrum er eðli þeirra skemmda sem sjúkdómurinn veldur í heilanum. Alzheimer veldur annars konar skaða en Lewy body til dæmis.

Með því að smella fyrir neðan getur þú opnað vefsvæði Alzheimer's Assosiation, Bandarísku Alzheimersamtakanna og skoðað skref fyrir skref þær breytingar sem eiga sér stað í heila sem veikist af Alzheimer.

Hér má sjá myndband frá ensku Alzheimersamtökunum  Alzheimer's Society um heilabilun. Á síðunni þeirra eru mörg stutt upplýsingamyndbönd um algengustu heilabilunarsjúkdómana og virkni heilans. 

Nánast í hverju landi eru starfandi Alzheimerssamtök til að aðstoða hina veiku og þeirra aðstandendur.

Gagnlegar síður

Um breytingar heilans

Myndband um heilabilun

Alzheimersamtök erlendis

Við erum hér til að hjálpa