Suðurgata 41 í Hafnarfirði (Lífsgæðasetrið)

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Alzheimersamtökin í Englandi fengu nokkra fótboltamenn í landsliði Englands til að upplifa líkamlegar áskoranir sem fólk með heilabilunarsjúkdóma upplifir dags daglega. Fólk með heilabilun getur átt erfitt með einföld verkefni daglegs lífs vegna einkenna heilabilunarsjúkdóms og aldurstengdar líkamlegrar hrörnunar.

Mikilvægt er að við skiljum hver einkenni heilabilunar eru og að fólk leiti sér aðstoðar og greiningar þegar einkenni fyrst koma fram.

Skoðaðu síðu okkar https://www.alzheimer.is/greiningarferlid til að fá nánari upplýsingar um greiningarferlið.

Setjum okkur í spor fólks með heilabilunarsjúkdóma

Setjum okkur í spor fólks með heilabilunarsjúkdóma

Við erum hér til að hjálpa