Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Copy of höfn alzheimersamtökin.pdf.png

Á Íslandi er áætlað að það séu um 6000 manns með heilabilunarsjúkdóma og það eru 300 manns undir 65 ára sem kallast þá snemmgreind heilabilun.

Við verðum með fræðslufund í Ekrunni 2.október kl. 17:00-18:00. Markmið Alzheimersamtakanna er  að miðla upplýsingum til fólks með heilabilun, aðstandenda, fagaðila og annarra sem láta sig málefnið varða. Á fundinum verður rætt um heilabilun og þá þjónustu sem er í boði á vegum samtakanna. 

Einnig verðum við með ráðgjöf fimmtudaginn 3. október kl. 08:00-12:00 í fundarherbergi Heilsugæslunnar á Höfn.

Sigurbjörg býður uppá ráðgjafa – og stuðningsviðtöl fyrir einstaklinga og/eða hjón/pör. Ekki skiptir máli hvar í ferlinu einstaklingur eða fjölskylda er stödd þegar pantað er viðtal og ekkert gjald er tekið fyrir ráðgjöfina. Bókið ráðgjöf með að senda póst á sibba@alzheimer.is.

Alzheimersamtökin verða á Höfn í Hornafirði 2.-3. október

Alzheimersamtökin verða á Höfn í Hornafirði 2.-3. október

Við erum hér til að hjálpa