Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Alzheimersamtökin hafa undanfarin ár í samstarfi við Reykjavíkurborg, rekið starfsemi sérhæfðar dagþjálfunar fyrir einstaklinga með heilabilun í Maríuhúsi við Blesugróf í Reykjavík. Vegna vandamála sem tengjast húsnæðinu í Blesugróf var starfsemi Maríuhúss flutt í húsnæði Skjóls við Kleppsveg í desember 2023. Þann 1. maí tók Skjól svo alfarið við rekstrinum af Alzheimersamtökunum.

Við þökkum skjólstæðingum, aðstandendum og starfsfólki kærlega fyrir samvinnuna í gegnum árin og óskum öllum velfarnaðar í nýjum og góðum höndum.

Maríuhús til Skjóls

Við erum hér til að hjálpa