Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Alzheimersamtökin fengu skemmtilega heimsókn frá meðlimum í Lionsklúbbi Hafnarfjarðar í morgun. Þeir fengu kynningu á starfsemi samtakanna og Seiglunni í Lífsgæðasetrinu í Hafnarfirði. 

Fyrir hönd Lionsklúbbs Hafnarfjarðar færðu þeir samtökunum styrk upp á 250.000 kr. sem mun nýtast vel í starfsemi samtakanna. Við þökkum þeim kærlega fyrir styrkinn og heimsóknina!

Á myndinni eru þeir ásamt Ragnheiði Ríkharðsdóttur stjórnarformanni Alzheimersamtakanna. 

Styrkur frá Lionsklúbbi Hafnarfjarðar

Við erum hér til að hjálpa