Sjúklingar með langt genginn Alzheimers sjúkdóm hafa misst alla hæfileika til að aka bíl þótt þeir hafi í upphafi sjúkdómsins haft fulla færni. Einhvers staðar þar á milli kemur að því að hætta verður akstri. Hvernig það er metið, hvernig að því er staðið og hverjir koma að þeirri ákvörðun er hins vegar ekki staðlað og reyndar mjög einstaklingsbundið.......Greinin öll í pdf.
Höfundur greinarinnar: Jón Snædal
Upphaflega skrifað í nóvember 2002, endurskoðað í nóvember 2008
Fréttir frá ICAD2008, alþjóðlegri ráðstefnu um Alzheimers-sjúkdóminn sem haldin var í Chicago 26.-31. júlí 2008 hafa vakið bjartsýni. Þar voru kynntar niðurstöður rannsókna á tveimur lyfjum sem hafa verið í þróun á undanförnum árum. Þessi lyf byggja á niðurstöðum grunnrannsókna sem fram fóru á 9 áratug síðustu aldar og má af því sjá hversu tímafrekt og flókið það er að koma nýjungum í lyfjafræði á markað.......Greinin öll í pdf.
Heilaritatæknin er engin nýjung og var Hans Berger fyrstur til að nota heilarit í rannsóknum árið 1930. Heilarit er mælikvarði á heildartaugavirkni heilans, einkum heilabarkar. Þau veita einnig ákveðnar upplýsingar um starfsemi heilans eins og til dæmis að í svefni má greina fimm stig, breytileg meðal annars eftir dýpt svefns og hvort draumar komi fram. Þótt túlkun heilarits sé í raun álitin gróf mæling á heilavirkni hafa ritin komið sér vel við kortlagningu flogaveiki, heilaæxla og heilaskemmda. Með nútíma tækni og tölfræði er nú hægt að greina þann mun sem er á heilastarfsemi heilbrigðra og Alzheimers-sjúklinga....... Greinin öll ásamt skýringamyndum í pdf
